Monday, 10 August 2020 | Lajme: 0

Kur një 15-vjeçare pyet: A mund të bëj seks?

Gjithçka nisi me një mesazh në portalin më të madh në FB, Jeta Osh Qef.

se_1445242911-3927738

“Përshëndetje. Jam një vajzë 15 vjeç dhe desha t’ju pyes a lejohet të kesh marrëdhënie seksuale në këtë moshë të re?” shkruan vajza, që kërkon të mbetet anonime, edhe pse fotoja e profilit duket pak.

 

Kaq u desh dhe shpërtheu një lumë me komente.

 

“Ik moj shushkë dhe lexo ndonjë libër,” i përgjigjet një komentuese femër, që merr me qindra pëlqime.

 

Të tjerë i kujtojnë se jeta e saj do marrë tatëpjetën, disa thonë se është kujtuar vonë, pasi mikeshat e saj kanë fëmijë, etj.

 

Nuk mungojnë edhe ata që thonë se këtij vendi i duhet Enver Hoxha.

 

“Pyet Dritan Priftin,” ironizon dikush.

 

Më pas vjen një mesazh, i cili thekson se nuk duhet t’i sulemi kaq shumë vajzës.

 

“Bëni seks, po mos kurvëroni,” thotë mesazhi, duke i paraprirë lumit të kritikave që i vijnë online.

 

Megjithatë cilatdo qofshin reagimet, të tilla tema janë të rëndësishme për të diskutuar, sidomos nga media tradicionale.

 

“Le të flasim për seksin,” thotë titulli i filmit për seksologun e njohur amerikan Alfred Kinsey, njeriu që thuhet se hodhi themelet e revolucionit seksual.

 

Edhe ai atëherë u sulmua dhe u kritikua pse guxoi të fliste për disa tema tabu, që më vonë ndikuan kaq shumë vlerat kulturore dhe sociale në SHBA.