Sunday, 12 July 2020 | Lajme: 0

Ja çfarë e shkakton kancerin e lëkurës dhe si duhet të mbrohemi

Një gjendje në të cilën ndodh rritja anormale e qelizave kryesisht në pjesët trupore të cilat janë vazhdimisht të ekspozuara ndaj diellit, quhet kancer i lëkurës. Duhet ditur se kjo mund të ndodhë edhe në zonat të cilat janë të mbrojtura nda rrezet e diellit.

Ekzistojnë 3 lloje të kancerit të lëkurës të cilat prekin pjesë të ndryshme të trupit e kryesisht ato që janë më të ekspozuara ndaj diellit, përcjell lajmi.net

Nëse ju doni të shpëtoni ose së paku të mbroheni nga ky lloj i kancerit, duhet të jeni të kujdesshëm me rrezet e diellit dhe këtu kemi sjellur disa këshilla që duhet ti ndiqni:

Shmangni rrezitjen:

Rrezitja duhet të shmanget plotësisht. Përpiquni gjithashtu që të rrini sa më larg që të mundeni nga rrezet e diellit ngase janë shkaktari kryesor i kancerit të lëkurës.

Rrezet e diellit janë më të forta në mes të orës 10 dhe 16:00 e të paktën gjatë këtyre orëve mos e ekspozoni trupin tuaj në diell.

Mbroni vetën tuaj me veshje:

Gjatë kësaj stine me plot rreze të diellit, mundohni që sa më shumë të visheni me këmisha dhe pantollona të holla që pjesët e trupit të qëndrojnë të mbrojtura nga dielli. Përdorni kapelë dhe syze për ta ruajtur fytyrën dhe sytë.

Përdorni krem kundër diellit:

Së paku 15 minuta pa dalë nga shtëpia aplikoni kremin kundër diellit. Është vërtetuar se kremi kundër diellit kryen së paku 30% të punës në mbrojtje nga rrezet e tij.

Vitamina D:

Vitamina D, duhet të jetë pjesë e dietës tuaj gjithësesi. Nëse e dini se ushqimi juaj nuk është i shëndetshëm dhe nuk është i pasur me vitaminë D, duhet të merrni ushqime të cilat posedojnë këtë vitaminë.

Luftimi i këtij lloj kanceri në duhet të bëhet në fazat e hershme sepse mund të bëhet vonë, andaj duhet të jeni të kujdesshëm me shëndetin e lëkurës tuaj.

3 llojet e kancerit të lëkurës janë:

1. Basal cell carcinoma

2. Squamous cell carcinom

3. Melanoma

Pjesët më të prekura nga kanceri i lëkurës janë: Sytë, fytyra, gjoksi, krahët, qafa, duart dhe këmbët. Kryesisht pjesët të cilat ekspozohen më shumë në diell.