Saturday, 10 April 2021 | Lajme: 0

Shantazhohet gruaja nga Kamenica: Ose 500 euro ose ua dërgojmë familjarëve fotot e tua intime

Një grua në Kamenicë ka raportuar se ka qenë viktimë e një shantazhi i cili i është bërë përmes rrjeteve sociale.

Policia ka njoftuar se rasti ka ndodhur dje rreth orës 09:00.

Sipas njoftimit viktima ka raportuar në Polici se përmes rrjetit social disa persona të panjohur i kanë kërkuar 500 euro.

Sipas viktimës, të dyshuari e kanë shantazhuar atë duke i thënë se nëse nuk i ofron paratë, fotot e saj intime do t’i dërgohen familjarëve të saj.

Me rastin janë duke u marrë njësitet relevante të Policisë, përderisa nuk raportohet për persona të arrestuar në lidhje me këtë rast.